Akwa vs Insurance: South-South derby go kick start NPFL


After six months, Nigeria Professional Football League (NPFL) go return today. The match wey go get us underway na that one wey go shele between 2021 champions Akwa United and Bendel Insurance wey just dey promoted and na today (Sunday) the match go shele.

The match wey dey picked for the return of NPFL TV. The fixtures na one wey fans dey look forward to.

The match wey go happen inside the Nest of Champions, Uyo go allow the league to get the kinda attraction wey it need. Insurance wey get good form inside the NNL Super four and wey dey crowned the champion of the second tier. Insurance wey don add players to their squad after they show say dem fit play with the big boys. Insurance don add players wey get names and dey familiar with us after dem promotion.

They don even test the new players wey dey just get last year December when dem bin play the Super Four pre-season tournament in December where dem bin finish third.

Ebenezer Odeyemi wey dey part of the new player wey Insurance just acquire from MFM FC wey don dey relegated anpd 3SC also lately, Ebenezer talked say him dey sure say Mosos Odigie’s side will survive this abridged league. Ebenezer wey speak with PUNCH Sports Extra talk say “as per say player wey I be, I no go think less than getting the results wey the team. We don dey prepare since and we dey sure say we go get the result wey we need” .

The former champions Akwa United go play full season under their new coach Deji Ayeni this season after Ayeni bin join dem midway last season. The Uyo team don unveiled 29 new players and this include two players wey come from their youth side. Ayeni wey don have full pre-season with him squad and wey don coach Sunshine Stars of Akure and even Insurance sabi the kind assignment wey dey ahead of him.

Ayeni wey talk with tori people talk say “we don dey prepare for four months now and this match go be a good beginning for the team. We don sign players wey we need and I dey confident in my players. We don test all the players for friendlies and I don pick my team. Our target na to qualify from the abridged league and then we go koh collect the continental ticket” na wetin Ayeni talk for him pre-match conference be that.
If you no forget say the last time wey the two clubs bin meet for topflight na in 2008 when Bendel Insurance won 3-2. But that season they koh dey relegated, after dem bin finished 20th with 39 points.

Source: PUNCH Sports

Transcribed: Aremo Eludire Isaac


Please enter your comment!
Please enter your name here