Gakpo Don Talk About Hin Transfer To Liverpool


Dem talk say na person wey wait dey chop fattest meat, Cody Gakpo wey dey play for Netherland as per hin country don cement him move wey go happen for January to Liverpool from PSV.

Gakpo wey bin talk with tori people talk say him transfer to Liverpool don make am commot some sweat as per say him don dey too busy even though say na Christmas and him suppose dey enjoy with him family.

Him koh further yawn say the oga patapata for Liverpool wey be Jurgen Klopp and the skipo for Liverpool wey bin in team mate for Netherland wey bin Virgil dey for call with am and that make am happy say Liverpool need am like say dem life depend on am.

Gakpo no forget to talk say Virgil be the secret weapon wey Liverpool send to dey pepper am to join Liverpool and na one of the many good tori tori wey Virgil dey talk make am join Liverpool. Gakpo talk say plenty thing wey Virgil tell am be say:

“Liverpool na big big team and dem be like family wey no get wahala and na team wey go help am develop and say him no go regret say him join Liverpool”

If una no forget say tori dey internet tey tey say Gakpo go join Manchester United but Man United don carry “L” for this business already sha and dem eyes don clear say you no dey drag business with person wey get money and get strong head pass you. Gakpo koh add am say Virgil draw him ear to tell am say make him no join Man United even if dem promise am Heaven and Earth ahahaaa. Well, dem don talk say no be person wey first call Police dey win case, this na the Man United tori.

Tori Transcribed: Aremo Eludire IsaacTori Transcribed: Aremo Eludire Isaac


Please enter your comment!
Please enter your name here