I don finish my work for Europe – Ronaldo

152
0

Chriatiano Ronaldo don talk say him work don finish for Europe and na the new challenge him dey wait for at Al Nassr wey be one of the big club wey dey Saudi Arabia.

Na when dem dey do the official ceremony of him joining Al Nassr him talk am. Ronaldo wey bin dress to kill in a grey suit walk through dem Al Nassr stadium with Musalli Al-Muammar wey be the president of the club.

The welcome ceremony wey the club do for am na for inside Mrsool Park dem bin hold the ceremony and na 25,000 fans bin dey for the ceremony. The Marsool park dey too full and na 15 Saudi Riyals ($4) the club bin charge for the entry and all the money dem make go be for charity.


When dem ask Ronaldo how him feel joining Al Nassr him talk say: “So far, I dey feel really good and I dey proud that I bin do this. For Europe, my job don finish I don win everything. I don play for the important clubs wey dey Europe and na Asia be my next challenge.

I dey proud say Al Nassr give me this opportunity so that I go show and develop not only for football but also for dem youth. Ronado wey koh later add say him bin get offer inside other countries before him koh join Al Nassr.
“I bin get many opportunities inside Europe. Many clubs wey dey Brazil, Australia, USA and even Portugal. I dey look forward to Thursday for me to make my debut for the club against Al-Ta’ee if boss Garcia allow am.”

Ronaldo koh also add say “hin no dey easy to win matches in this kind of days in football and this move wey I take to come Asia no be the end of my footballing career be that. As far as I dey concern, I dey really happy to be here and the league wey dey here dey very competitive I don watch plenty game and I hope say the coach go allow me play soon”

Ronaldo koh later talk about records in the league: “ I woh beat some record here and na good chance I get for here to do that. I don do am for Europe, so na normal thing”. Ronaldo’s contract na till 2025.

Source: Complete Sports NIgeria

Transcribed: Aremo Eludire Isaac

LEAVE A REPLY

Please enter your comment!
Please enter your name here