I Woh Win Ballon d’Or – Mbappe


France and Paris Saint-Germain forward wey be Kylian Mbappe don yawn say him get intention to win Ballon d’Or award at the end of the season wey we dey. 2023 Ballon d’Or ceremony go happen on October 16, 2023 at the Theater de Chatelet wey dey France.

Mbappe na one of the few players wey fit win the award as him finish the 2022 FIFA World Cup in Qatar with eight goals and na him bin win the golden boot and koh still get two assists. The 24-year-old koh talk about how him wish to win the Ballon d’Or..

“If to win Ballon d’Or dey one of my goal this season? Of course. The Ballon d’Or always dey part of my goal. No be that be the priority for now, but the goal dey back of my mind” na wetin Mbappe use quote a tweet from PSG chief be that.

Mbappe bin finish second for the FIFA Best Player Awards wey happen lately and wey Argentine icon Lionel Messi bin win.

Mbappe don score 30 goals and don provide 8 assists inside 30 games across all competitions for Paris Saint-Germaine this season.

Na the Parisians dey first for the French Ligue 1 with 63 points from 26 matches.

Source: Complete Sports Nigeria

Transcribed: Aremo Eludire Isaac


Please enter your comment!
Please enter your name here