Ighalo On Fire As Hin Score Four Goals And Al-Hilal Cruise Into Asian Champions League Final


Odion Ighalo bin score four goals as Al-Hilal put pepper inside the eyes of Al-Duhail wey be club from Qatar. The match wey finish 7-0 and na this win means say Al-Hilal don qualify for the Asian Champions League Final on Sunday.

Na Ighalo open the scoring in the 2nd minute before hin koh add the second in the 10th minute. Na just three minutes into second half Ighalo koh complete his hat-trick and na that goal koh make am 6-0 for Al-Hilal and na for inside the 62nd minute Ighalo koh get his fourth goal and Al-Hilal’s Seventh.

Na when the match bin remain 20minutes the coach koh remove Ighalo. Al-Hilal na the current Asian champions and dem go play Urawa Reds wey be Japanese club inside a match wey be two-legged final.
Na Al-Hilal go first host the first-leg and na for April that one go shele and Urawa Reds go koh host the second leg in May.

Ighalo and his padi dem for Al-Hilal go dey reason how they go extend their continental title to record-extending fifth title.

Source: Complete Sports Nigeria

Transcribed: Aremo Eludire Isaac


Please enter your comment!
Please enter your name here