Morocco World Cup Star fit join Ndidi and Iheanacho for Leicester City


Azzedine Ounahi wey be one of the star wey shine well well for Morocco for the World Cup wey just finish so for Qatar fit join Leicester city as per say the club don dey look for how dem go take sign am.

Ounahi, who dey play for Ligue 1 club Angers don dey linked to Leicester City after him water dey drop for mouth performance wey him do for World Cup. If the player koh join Leicester city, the matter fit be that say Youri Tielemans wey don dey linked to other club fit be on its way out of the club. The match wey Leicester play against Liverpool na for bench the player bin sit.

Na Sportsmail talk say Tielemans don dey enter Newcastle eye as per say dem go woh sign am and na Ounahi Leicester City too bin dey look say fit be the replacement if dem own Tielamans waka go Newcastle.
If you no forget say Ounahi na one of the stars wey show say dem dey ready to show the world say dem dey among the players wey sabi for football.

Ounahi dey part of the players wey make history for inside the Wolrd Cup wey just finish for Qatar after him Country Morocco bin reach the semi final of the world cup and na dem be the only country wey dey Africa wey ever reach that kinda stage and dem koh finish for fourth position.

Arseanl legend wey be Ray Parlour don beg Arsenal say make dem sign the 22 years old boy, but as things be now, it be like na Leicester City go fit sign the boy. Ounahi bin join Angers in 2021 after him don play for Avranches, him also play small for Strasbourg. The player also make his senior debut for Morocco inside the 2022 African Cup of Nations.

Ounahi wey show face for match wey concern him country 17 times inside that calendar year and him bin score two goals against Democratic Republic of Congo.

After a heart breaking start for inside this world cup, Rodger’s fox don only manage to pick just 17 points and na 17 matches dem bin don play also and na Fulham dem go play for Tuesday night.

Transcribed: Aremo Eludire Isaac


Please enter your comment!
Please enter your name here