NPFL: Abia Warriors shock Rangers while 3SC also show Plateau United shege


Abia Warrior don record shocking win after dem bin defeat Rangers wey don win the league before before for the match wey happen at the Awka City Stadium on Sunday.

Na Bello Lukman bin start the shocker after hin bin slot home the cross wey Kalu Nweke bin give am and this na wetin happen four minutes before dem go break. Monday Yakubu koh add salt for the wound of Enugu Rangers when him bin score just before the first half ended.
Shooting Stars also koh enter the cold city of Jos where dem bin smuggle one points commot for Jos. The match wey happen between Shooting Start and Plateau United inside New Jos Stadium and wey koh end 3-3 draw. Na Joshua Akpan bin give Shooting Stars the first goal inside six minutes, while Onyebuchi Ifeanyi koh level the score for the host two minutes later. The guests koh go 3-1 up when Anthony Okachi and Akintunde Azeez scored. Plateau United koh gather all their liver and kidney and koh rallied back with goals from Izuchukwu Chimezie and Ifeanyi Emmanuel.

Rivers United wey be the defending champion also bin start their title defense after dem manage to edge Lobi Stars inside Adokiye Amiesimaka Stadium wey dey Port Harcourt, the match wey finish 2-1.

Na Morice Chukwu bin set Stanley Eguma’s head for the first goal inside 16 minutes. The victors koh equalized 10 minutes inside the second half and na Umar Ubah bin do the magic.
Kenechukwu Agu koh break the Camel’s back after him convert a stoppage time goal from the spot.

Enugu Rangers 0-2 Abia Warriors
Plateau United 3-3 Shooting Stars
Wikki Tourist 0-2 Niger Tornadoes
Rivers United 2-1 Lobi Stars
Kwara United 0-0 Gombe United
Doma United 1-1 Sunshine Stars
Bayelsa United 1-1 Dakkada FC
Remo Stars 2-0 El Kanemi
Nassarawa United 1-2 Enyimba
Akwa United 0-2 Bendel Insurance


Source: Complete Sport Nigeria

Transcribed: Aremo Eludire Isaac.


Please enter your comment!
Please enter your name here