NPFL don finish dem draw as Rivers United go begin dem title defence


Wetin Musa no go see for gate? Nigeria Professional Football League (NPFL) go begin inside 8th January 2023 and na abridged version of league the league go be.

This na talk wey happen for Abuja on Wednesday where the draw bin happen. If you no forget say the club owners don talk say dem no want anything wey resemble abridge league but the IMC chairman wey be Gbenga Elegbeleye don drop the bomb say the league don dey overdue and na the abridge league go happen.

The NPFL league go include 20 teams wey dem go divide into wetin dem call 2 groups wey go koh get 10 teams per group.

Elegbeleye talk say na because say dem suppose don start the league since and dem no start make dem say make dem run am for abridge version and him don talk say the season go dey free of wahala from teams wey dey play.

Mr. Egbeleye talk say dem don follow the club owners talk say make dem no bring violence come league o, if dem koh think say na violence dem woh take run league dem go sama dem #500,000 wey dem don dey collect for violence offense before and go koh join am with deducting three points too. Him koh finish the talk talk say team wey win the league go collect #100,000,000.

Group A of the abridge league go get Remo star wey bin the second runner’s up for last season, shooting star, newly promoted Bendel Insurance, Akwa United and Enyimba.

Others wey dey the group na Kwara United, Nassarawa United, Plateau United, Gombe United and El Kanemi wey just enter league as per newbieRivers United wey be the champion dey Group B and go dey run the matter with Niger Tornadoes and teams wey just dey enter NPFL wey be Doma United, Wikki Tourists and Lobi Stars.

The group go also contain Abia warriors, Dakkada FC, Rangers, Sunshine Stars and Bayelsa United.The league go koh later enter super six tournament the way wey dem run 2019 abridged league wey the top 3 teams wey dey each group go come put matter for their hand so that we go know the club wey go waka with the #100,000,000.

Tori Transcribed: Aremo Eludire Isaac


Please enter your comment!
Please enter your name here