NPFL: Na continental ticket dey our eyes- Sunshine Sars Chairman

54
0

The chairmo of Sunshine Stars Football Club wey be Prince Tunde Ogunja don yawn talk say wetin dey their eyes na to win the ticket wey go carry dem go continental matches.

Na wetin completesports.com report be that.


Na when Ogunja bin follow completesports.com yawn for phone him koh talk am. Ogunja yawn for the talk say wetin dey Edith Agoye wey be their coach head now na to win the ticket wey go carry dem go play with the bigger boys wey dey Africa and say Edith gaz try everything possible so that dem go dey part of the three teams wey go qualify for their group B inside this 2022/2023 abridged league.


“Our aim inside this season wey we dey na to win as one of the team wey go qualify from the group wey we dey and then go play the super six. We dey focused to finish between first and third positions and this na wetin fit help us to go continent. Continent na the word and we need am, even if breaking our arms and legs go be the price wey we go need pay, na the price wey we go pay be that.” Na wetin Ogunja bin talk be that.


Ogunja koh later yawn about the draw wey Sunshine Stars’ bin get for the first match wey dem pay against Doma United wey just dey prompted. The match wey happen inside Pantami Stadium Gombe. Prince Ogunja koh yawn say the match na a good match and na good way wey we can count on to start the new season. “na good match we bin have for Gombe. We bin force dem to play 1-1 draw. Na good thing and I dey very sure say things go unfold as we progress” na wetin Ogunja bin talk be that.

Source: Complete Sports Nigeria

Transcribed: Aremo Eludire Isaac

LEAVE A REPLY

Please enter your comment!
Please enter your name here