Salisu Yusuf: I no invite over-age players


The Nigeria U_23 Coach, Salisu Yusuf don comot tear face ontop the accuse of say him invite players wey old pass U_23.
The Enugu Rangers Coach been talk this one when him been follow people do sidon talk where him gree say the 4 goalkeepers him invite na reserve goalkeepers for dia club.

The Coach hold ground say none of the players dey above 23yrs and even the goalkeepers them wey his goalkeeper trainer invite wey never play for dia clubside them na good keepers wey fall under the age bracket, because if the keepers them no good, they for no dey make dia club matchday team list.

The Coach come conclude the matter by assuring people say all the 30 players wey don dey Abuja since Monday dey train na NPFL tasted players aside for the goalkeepers wey na once once them don see match play, and all of the players dey ready for the match wey go happen for the Moshood Abiola Stadium for Abuja.

Transcriber: Alikpang Peter Ebenhe


Please enter your comment!
Please enter your name here