South Korea name before Germany player as dia Coach


Before Germany player wey follow win the 1990 FIFA World Cup during the time him dey play, Jurgen Klinsman don collect the South Korea Coachee job.

The South Korea Football Federation been comot on Monday 27th of Febraury announce say Klinsman don gree to be dia Coach till the period wey the 2026 FIFA World Cup go shele.

Jurgen Klinsman wey be 58yrs old agree to the contract and also gree to stay for South Korea till him finish work there, go resume next week so that arrangee go begin as the Country go play friendly with Colombia for Ulsan.

Klinsman wey dey take over from Oga Paulo Bento wey carry South Korea reach round of 16 for the Qatar 2022 World Cup been also don Coach Germany and USA, where him carry Germany finish 3rd for the 2006 Wolrd Cup and USA reach round of 16 for the 2014 World Cup.

Transcriber: Alikpang Peter Ebenhe


Please enter your comment!
Please enter your name here